وتاره‌كان

ئه‌م وتاره‌ وه‌ڵامێكه‌ بۆ ئه‌و كه‌سانه‌ی تانه‌ له‌ ئیسلام ده‌ده‌ن و ده‌ڵین ئیسلام تاكاتێك له‌ مه‌ككه‌دا لاواز بوو بانگه‌شه‌ی ته‌ساموح و لێبورده‌ی و پێكه‌وه‌ ژیانی ده‌كرد، به‌ڵام كاتێك هێزی په‌یدا كرد له‌ مه‌دینه‌دا ئیتر ده‌ستی كرد به‌ توند و تیژی وسرینه‌وه‌ی ئه‌وانی تر..

خۆشه‌ویستی خوای گه‌وره‌ هیوا وئومێدی هه‌موو موسڵمانێكه‌، بۆیه‌ ده‌بێت مرۆڤی موسڵمان ئه‌و كارانه‌ بكات كه‌وا ده‌بنه‌ مایه‌ی خۆشه‌ویستی خوای گه‌وره‌" وه‌كو شوێنكه‌وتنی پێغه‌مبه‌ری خوا صلی الله علیه وسلم.

برایه‌تى ئاینى نێوان گه‌لانى موسڵمان له‌ به‌هێزترینى ئه‌و هوَكارانه‌یه‌ ئوممه‌ت به‌یه‌كه‌وه‌ ده‌به‌ستێت ودڵه‌كانیان یه‌كده‌خات وبه‌و شێوازه‌ به‌یه‌ك هێزى به‌یه‌كه‌وه‌ گرێدراو ڕووبه‌ڕووى دوژمنه‌كانیان له‌ بێباوه‌ڕو دووڕووان ده‌بنه‌وه‌... ئه‌مه‌ش به‌خششێكى گه‌وره‌یه‌و به‌هۆیه‌وه‌ دوژمنانى ئیسلام هه‌موو ڕێگایه‌كیان لێ ته‌نگ بوه‌و، به‌رده‌وام له‌ هه‌وڵ وكۆششدان بۆ له‌به‌ریه‌ك هه‌ڵوه‌شاندنه‌وه‌ى ئوممه‌ت وچاندنى هوَكاره‌كانى جیاوازى وناكوَكى له‌نێوانیاندا به‌مه‌به‌ستى له‌ناوبردنى هێزو تواناى ئوممه‌ت به‌ئامانجى به‌ئاسانى ملكه‌چ كردنیان وزاڵبون به‌سه‌ریاندا، هه‌روه‌ك گوتراوه‌: فرق تسد. واته‌: ئاژاوه‌و ناكۆكى دروست بكه‌ ده‌بیت به‌ گه‌وره‌یان.

هه‌ر كاتێك گوێبیستی وشه‌ی موسیبه‌ت ده‌بیت، ئه‌وه‌ له‌ به‌رامبه‌ریدا ووشه‌ی ئارامگرتن دێت، وه‌ ئه‌گه‌ر ئه‌وه‌ش نه‌بێت،‌ كێشه‌كان زۆر ده‌بن و بێ ئومێدی روی تێده‌كردین، به‌ڵام خوای گه‌وره‌ به‌ سۆز ومیهره‌بانی خۆی له‌گه‌ڵ به‌نده‌كانی ئارامگرتنی كردوه‌ته‌ چاره‌سه‌ركردنی موسیبه‌ت وكێشه‌كان.

موسڵمانی بەڕێز: دیارە یەکێک لەچاکەو بەخششی خودا بۆموسڵمانان ئەوەیە کەکۆتای مانگەکانی ساڵی مانگی ( ذو الحجة ) یە کەمانگی حەج کردن و عیبادەت کردنە، وەسەرەتای مانگەکانی ساڵی دەست پێدەکات بە مانگی موحەرەم کەمانگی چاکەکردن و عیبادەت کردنە بەتایبەتی عیبادەتی ڕۆژوو گرتن.

ئیفساد و خراپه‌كاری له‌سه‌ر زه‌ویدا كارێكی زۆر ترسناكه، پێویسته‌ خه‌ڵكی لێ ئاگادار بكرێته‌وه‌، له‌به‌ر ئه‌وه‌ی به‌‌ پێچه‌وانه‌ی بانگه‌وازی پێغه‌مبه‌رانه عليهم السلام، چونكه‌ ئه‌وان‌‌ هاتوون بۆ چاكسازی كردن له‌سه‌ر زه‌وی، وه‌ هاتوون بۆ ئه‌وه‌ی خێر وچاكه‌ بڵاوبكه‌نه‌وه‌ وخه‌ڵكی به‌خته‌وه‌ر بكه‌ن... وه‌ خراپه‌كاری زه‌ره‌ری گه‌وره‌ی هه‌یه‌ بۆ سه‌ر وڵات وبه‌نده‌كان، ته‌نانه‌ت بۆ سه‌ر ئاژه‌ڵه‌كانیش.

التضامن: به‌واتاى هاریكارى و سه‌رخستن و ئامۆژگارى كردنى یه‌كدى دێت، هه‌مانكات فه‌رمان كردن به‌چاكه‌و ڕێگرى كردن له‌ خراپه‌و بانگه‌واز كردن بۆ لاى خواى په‌روه‌ردگارو ڕێنمایى كردنى خه‌ڵكى بۆ به‌رجه‌سته‌كردنى هۆكاره‌كانى دڵخۆشى و ڕزگاربون و هه‌ر شتێكیش كه‌ ئیسڵاحى دونیایى و دواڕۆژى به‌نده‌كانى تیادا بێت ده‌چێته‌ ئه‌و چوارچێوه‌یه‌وه‌...

زۆر به‌ڵگه‌ له‌ قورئان و سوننه‌تدا بانگمان ده‌كه‌ن بۆ گرنگیدان به‌ برا موسڵمانه‌كانمان وه‌ك تاك و وه‌ك كۆمه‌ڵ له‌ هه‌موو شوێنێكى ئه‌م سه‌ر زه‌وییه‌داو، پێویسته‌ له‌ بارودۆخ و گوزه‌رانیان شاره‌زا بین و هه‌ست به‌ ژان و ناڕه‌حه‌تییان بكه‌ین و شاره‌زای پێویستى و داواكارییه‌كانیان بین و به‌پێى توانا هاوكارییان بكه‌ین...

زۆر جار كێشه‌ و مه‌شاكیل رووده‌دات له‌ نێوان خێزان و ژن ومێرد وكه‌س و كاردا، بۆیه‌ ئه‌گه‌ر كێشه‌ رویدا، ئه‌وه‌ به‌شی گه‌وره‌ وهۆكاری یاریده‌ده‌ر بۆ چاره‌سه‌ركردنی بریتیه‌ له‌: بیر كردنه‌وه‌ وله‌سه‌ر خۆیی وبریار نه‌دانی به‌ په‌له‌.

نوسه‌ره‌ی ئه‌م بابه‌ته‌ ده‌ڵێت: به‌ پێویستی ئه‌زانم به‌ تێروته‌سه‌لی و به‌ شێوه‌یه‌كی بنه‌ڕه‌تی مه‌سه‌له‌ی زیندان له‌ ئیسلامدا ڕوون بكه‌مه‌وه‌، تاكوو ڕه‌حمه‌ت و به‌زه‌ییی ئه‌م ئیسلامه‌ پاكه‌مان بۆ وه‌دیار كه‌وێت و له‌ به‌رامبه‌ریشی ئه‌وه‌ بسه‌لمێنین كه‌ غه‌یره‌ئیسلام ته‌نها مایه‌ی دڵكرمێبوون و له‌بارچوون و له‌به‌ینچوونی كه‌سه‌كانه ‌و به‌س.

ئه‌م بابه‌ته‌ باسی كاركردن ده‌كات؛ چونكه‌ سه‌رچاوه‌یه‌كی گرنگ و بایه‌خداره‌، كه‌ ژیان و به‌خته‌وه‌ری و كامه‌رانی مرۆڤی پێوه‌ به‌ستراوه‌ته‌وه‌.

ئه‌م بابه‌ته‌ به‌شێكه‌ له‌ كیتابی 40 بنچینه‌ بۆ چاره‌سه‌ركردنی كێشه‌كانی كه‌ دانه‌ره‌كه‌ی عه‌بدالملك ئه‌لقاسمه‌، باسی یه‌كه‌مین چاره‌سه‌ر ده‌كات كه‌ بریتیه‌ له‌ وتنی ﴿ إِنَّا لِلهِ وَإِنَّا إِلَيْهِ رَاجِعُونَ ﴾،‌ وه‌ وتنی ئه‌م وشه‌یه‌ له‌ ڕه‌وشته‌ به‌رزه‌كانی پێغه‌مبه‌ره‌ ( صلی الله علیه وسلم )،‌ ئه‌م ووشه‌یه‌ ئارامی داده‌به‌زێنێته‌ سه‌ر‌ ده‌رونی مرۆڤ وهێوركه‌روه‌ی دڵه‌كانه‌...

له‌ پێناو ڕێكخستنی ده‌سه‌ڵاتی دادوه‌ری ئاینی پیرۆزی ئیسلام و شه‌ریعه‌ته‌كه‌ی كۆمه‌ڵێك ئادابیان داناوه‌ بۆ دادوه‌ر و قازی موسڵمانان كه‌ خۆیان له‌ حه‌وت ئادابدا ده‌بیینه‌وه‌، به‌كورتی له‌م وتاره‌دا ئاماژه‌ به‌ هه‌ریه‌كێكیان ده‌كه‌ین له‌گه‌ڵ به‌ڵگه‌ی پێویست له‌ باره‌یه‌وه‌....

ئه‌م وتاره‌ باسی ئه‌و سێ كه‌سه‌ ده‌كات كه‌وا هه‌رچییه‌ك نزاو پاڕانه‌وه‌ ده‌كه‌ن په‌روه‌ردگار وه‌ڵامیان ناداته‌وه‌.

ئه‌م بابه‌ته‌ باسی مافی پیاو ده‌كات له‌سه‌ر ژنه‌كه‌ی وه‌ له‌و مافانه‌: واجیبه‌ له‌سه‌ر ژن گوێڕایه‌ڵی پیاوه‌كه‌ی بێت له‌ چاكه‌دا وه‌ سه‌رپێچی نه‌كات به‌ تایبه‌ت له‌ كاتی سه‌رجێگه‌یی و كاروباری ماڵدا.

ئه‌م ووتاره‌ بريتيه‌ له‌ ڕاڤه‌ی به‌سه‌رهاتی مردنی كیژێك كه‌ ابن القیم ( ڕه‌حمه‌تی خوای لێ بێت ) باسی كردووه‌ و ده‌ڵێت : كیژێك به‌ نه‌خۆشی طاعون كۆچی دوایی كرد، دواتر باوكی له‌ خه‌ودا بینی و پێی ووت : ئه‌ی كچی شیرنم باسی ڕۆژی دواییم بۆم بكه‌ هه‌واڵی چۆنه‌ ؟ كچه‌كه‌ش ووتی : گه‌یشتین به‌ فه‌رمان وشتێكی زۆر گه‌وره‌ ومه‌زن، پێشتر ده‌مانزانی به‌ڵام كارمان پێ نه‌ده‌كرد، سوێند بێت به‌خوا تاكه‌ ( سبحان الله ) كردنێك، یان یه‌ك ڕكات نوێژ كه‌ له‌ ناو نامه‌ی كرده‌وه‌كانمدا زۆر لام خۆشتره‌ له‌ هه‌موو دونیا و ئه‌وه‌شی تێیدایه‌ .

ژنان له‌ ئاینی پیرۆزی ئیسلامدا پله‌وپایه‌ی تایبه‌تی خۆیان هه‌یه‌، وه‌ فه‌رمان كراه‌ به مێرد و‌ باوك و برا و غه‌یری ئه‌وانیش كه‌وا چاك بن له‌گه‌ڵ ژنان.

ئه‌م ووتاره‌ وه‌رگێرانی ده‌قێكی ئیمام ئیبن قه‌یمی جه‌وزیه‌ كه‌ له‌ كتێبی ( زاد المعاد ) دا باسی كردووه‌، سه‌باره‌ت به‌ فه‌زڵی خویندنه‌وه‌ی قورئان به‌ ته‌ده‌بور و بیركردنه‌وه‌ له‌ مانا ومه‌به‌سته‌كانی و تیرامان له‌ نهێنیه‌كانی، به‌شیوه‌یه‌ك نووسه‌ر باسی ڕای جیاوازی زانایان ده‌كات له‌م مه‌سئه‌له‌یه‌دا، كه‌ ئایا باشتر‌ و خاستر ئه‌وه‌یه‌ مرۆڤ قورئان به‌ ته‌ده‌بور و بیركردنه‌وه‌ له‌ مانا و مه‌به‌سته‌كانی بخوێنێته‌وه‌ یان به‌ خێرای و دوور له‌بیركردنه‌وه‌ ؟ پاشان نووسه‌ر ڕای ئه‌و زانایانه‌ په‌سه‌ند ده‌كات كه‌ ده‌ڵین : باشتر و خێرتر ئه‌وه‌یه‌ كه‌ مرۆڤی موسڵمان قورئان به‌ له‌سه‌ر خۆی و به‌ بیركردنه‌وه‌ له‌ مانا و مه‌به‌سته‌كانی بخوێنێته‌وه‌ تاوه‌كو له‌وه‌ی كه‌ به‌ په‌له‌ و خێرا بیخوێنێته‌وه‌ به‌بی تێڕامان له‌ واتا و نهێنیه‌كانی ...

نووسه‌ر له‌م بابه‌ته‌دا باسی گرنگی و فه‌زڵی پارشێو كردن ده‌كات، به‌ شێوه‌یه‌ك پارشێوكردن وه‌ڵامدانه‌وه‌ی فه‌رمانی پیغه‌مبه‌ری خوایه‌ ( صلی الله علیه وسلم ) وخاڵی جیاوازی نێوان ڕۆژووی ئه‌هلی ئیسلام و ئه‌هلی كیتابه‌، له‌گه‌ڵ به‌ده‌ستهێنانی خه‌یریه‌تی ئه‌و كاته‌، وخۆ به‌هێز كردن له‌ پێناو زیاتر طاعه‌تی خوای گه‌وره‌ كردن، وبه‌ده‌ستهێنانی صه‌ڵات و صه‌لامی په‌روه‌ردگار و فریشته‌كان و چه‌ند فه‌زل و گرنگی تر

نووسه‌ر له‌ ووتاره‌كه‌یدا پێشوازی له‌ مانگی ڕه‌مه‌زانی پیرۆزی ده‌كات، و موسڵمانان هانده‌دات كه‌ به‌ جۆش وخرۆشه‌وه‌ پێشوازی له‌م مانگه‌ پیرۆزه‌ بكه‌ن، له‌ طاعه‌ت و عیباده‌تی خوای گه‌وره‌دا به‌سه‌ری به‌رن ..