نىزامىددىن تەمكىنى - پەتىۋالار

شەرىئەتتە قىمارنىڭ ھارام قىلىنىشىدىكى ھېكمەت نېمە؟ بۇ ھەقتە تەپسىلى چۈشەنچە بېرىشىڭلارنى ئۈمىت قىلىمىز.

ھازىرقى جەمئىيەتتە زىنا قىلغۇچى ئەر ۋە زىنا قىلغۇچى ئايال ئۈستىدىن تۆت نەپەر گۇۋاھچىنى قانداق تەييارلايمىز؟، ئۇلارنىڭ زىنا قىلغانلىقىنى قانداق مۇقىملاشتۇرىمىز؟، مۇسۇلمان ياشلىرىغا زىنادىن ئىبارەت بولغان قەبىھ قىلمىش توغرىسىدا قانداق نەسىھەت قىلىمىز؟.

مەن ئون سەككىزگە ياشقا كىرگەن بىر ياش، مۇھەببەتلىشىپ توي قىلىشنىڭ كەلگۈسىدە ئائىلىنى ۋەيران قىلغۇچى بىر ئامىل ئىكەنلىكىنى بىلىمەن. لېكىن توي بولغۇچە زىنادىن خالى، باشقىلاردىن مەخپى تۇتقان ھالدا مۇھەببەتلەشسەك بولامدۇ؟. بۇرۇنقى ئىشقى-مۇھەببەت قىسسىلىرىدە شۇنىڭغا ئوخشاش ئەھۋاللار بولغانمۇ؟.

ئېلىم-پەن ئۇچقاندەك تەرەققى قىلىۋاتقان بۇ دەۋىردە تىببى ساھەدىمۇ كۆپ يېڭىلىقلار بارلىققا كەلدى. بىرسىنىڭ ئىككى ئايالى بولۇپ بىرىنچىسى تۇغماس، ئىككىنچىسى تۇغىدۇ، بۇ ھالەتتە تىببى تەرەققىياتتىن پايدىلىنىپ -ئاللاھنىڭ پەزلى بىلەن- ئىككىنچى ئايالىنىڭ تۇخۇمچىسى بىلەن ئەرنىڭ سپېرما سۇيۇقلۇقىنى Teste-tube baby ئۈسكىنىسىگە قاچىلاپ كۈزۈتۈپ، سۇيۇقلۇق تۆرەلمە باسقۇچقا ئۆتكەن ھامان، تۇغماس ئايالىنىڭ بالىياتقۇسىغا سىلىپ تۆرەلمىنى تۇغۇلغانغا قەدەر بىرىنچى ئايالىنىڭ بالىياتقۇسىدا پەرۋىش قىلىدۇ، بۇ قۇرئان ھەدىس روھىغا ئۇيغۇنمۇ؟. بەزى كىشىلەر بۇنى ئېمىتىشكە قىياس قىلىپ دۇرۇس بولىدۇ دەيدۇ، يەنى بوۋاقنى ئېمىتىپ سۈتى بىلەن ئوزۇقلاندۇرغاندەك، بالىياتقۇسىدا قىنى بىلەن ئوزۇقلاندۇرىدۇ دەيدۇ، بۇ سۆزنىڭ ئاساسى بارمۇ؟.

  مەن بىر تاكسى شوپۇرى، بەزى يولۇچىلار يىرىم يولغا كەلگەندە ھاراق ساتىدىغان دۇكاننىڭ يېنىدا توختۇتۇشۇمنى تەلەپ قىلىپ، چۈشۈپ ھاراق ئېچىپ چىقىدۇ. بەزىلىرى كېچىلىك كۆڭۈل ئىچىش سورۇنلىرىغا ئاپىرىشىمنى تەلەپ قىلىدۇ، مىنىڭ بۇ شەكىلدە تاكسىچىلىق قىلىشىم توغرىمۇ؟.

بىر مۇسۇلمان ئەر ئۇچۇن ئېھسان قىلىشقا ئەڭ ھەقلىق كىشى ئانىسىمۇ ياكى  ئايالى؟  

مەن 21 ياشلىق بىر قىز، شەيتانى ھەۋەسلىرىم مېنى ناھايىتى بىئارام قىلىۋاتىدۇ، بۇ سەۋەبلىك مىنى ھەيرانلىق ۋە ئۈمىدسىزلىك چىرمىۋالدى، ھۆرمەتلىك  ئۇستاز قانداق قىلىپ بۇ شەھۋانىي ھەۋەسلەردىن قۇتۇلالايمەن؟، بۇ ھەقتە مەسلىھەت ۋە نەسىھەت بېرىشىڭلارنى سورايمەن.

ئېغىز بوشلۇقى دوختۇرى، چىش ئاغرىق سەۋەبىدىن تارتىۋېتىلگەن چىشنىڭ ئورنىغا چىش سېلىنمىسا باشقا چىشلارنىڭ ساغلاملىقىغا تەسىر يېتىدۇ دەپ قارىغان ھالەتتە، ئېلىپ سېلىشقا بولىدىغان ياكى بىكىتىۋېتىدىغان چىش سالدۇرۇش دۇرۇسمۇ؟ ياكى ئۇ ئاللاھ ياراتقان شەكىلنى ئۆزگەرتكەنلىك بولۇپ، چەكلەنگەن ئىشلار قاتارىغا كىرەمدۇ؟.

مەن بەزى بىر ئەسەرلەردىن، قۇرئاننىڭ 15 پىرسەنتىنىڭ ئىسا ھەققىدە سۆزلەيدىغانلىقىنى ئوقۇدۇم، شۇنداقلا قۇرئان كەرىمنىڭ ئىنگىلىزچە تەرجىمىسىنى ئوقۇپ چىقتىم، مۇھەممەد ئەلەيھىسسالام ئىسا ئەلەيھىسسالامنى ئېتىراپ قىلىدىكەن ۋە پۈتۈن پەيغەمبەرلەرگە ئىمان ئېيتىشنى لازىم دەيدىكەن، ئۇنداقتا قۇرئان نېمە ئۈچۈن مۇقەددەس كىتاب(ئىنجىل)دا كەلگەن ئەھكاملار بىلەن زىتلىشىدۇ؟! قۇرئاننى خاتالىقتىن خالى دېسەك نېمە ئۈچۈن ئىسلامدا دىنىي پىرقىلەر بولىدۇ؟ ئىنجىلدا كۆپ خوتۇنلۇق بولۇشنى چەكلەيدۇ، ئىسلامدا نېمە ئۈچۈن رۇخسەت قىلىدۇ؟. قەلبىم ھەقىقەتنى ئىزدەشكە ئۈندەيدۇ، سوئالىمنى جاۋابسىز قالدۇرمىغايسىلەر.

دوستۇم ئايالىنى ئۈچ تالاق قىلغانتى، مەن ئۇ ئايالنى نىكاھىمغا ئىلىپ، ئاندىن بىرىنچى ئېرى بىلەن يارىشىۋېلىشى ئۈچۈن قويۇپ بەرسەم بولامدۇ؟

بۇرنۇمنى گۈزەللەشتۈرۈش ئوپراتسىيىسى قىلدۇرماقچى ئىدىم، بۇنداق قىلىش ھاراممۇ؟ بۇ سەۋەبلىك ئىچىم بەك پۇشۇق، ئوپراتسىيە قىلدۇرمىسام بەلكى كىلىچەك ھاياتىمغا تەسىر يەتكۇزىشى مۇمكىن. دوختۇرلارمۇ ئوپراتسىيە قىلىش كېرەكلىكىنى دەيدۇ؟.

ئايال كىشى باشقا بىر ئايالنىڭ چىرايلىق ھۆسنى - جامالىنى  يولدىشىغا سۆزلەپ بېرىشىنىڭ توغرا ئەمەسلىكى توغرىسىدا، پەيغەمبىرىمىز مۇھەممەد ئەلەيھىسسالامدىن ھەدىس كەلگەنمۇ؟

مەن تور بېكەتلىرى، ماسىنجىر ۋە تېلېفۇن ۋە قىسقا ئۆچۈر يوللاش ئارقىلىق بىر يىگىت بىلەن تونۇشۇپ قالدىم. يولدىشىم بۇ ئىشىمنى بىلىپ قىلىپ غەزەپلەنگەن ھالەتتە، بالىلارنىڭ يۈزىنى قىلمىسام، سىنى تالاق قىلىۋېتەتتىم، بوپتۇ- سەبرى قىلاي، ئەمما ئۈستۈڭگە خوتۇن ئالىمەن دېدى. مەن خاتالىقىمنى تونۇپ تەۋبە قىلىپ، ئاللاھنىڭ بەرگەن نېمەتلىرىگە تەشەككۈر ئېيتىپ، ھاياتنى يىڭىدىن باشلىدىم. مەن ھازىر ھاياتتىن بەكمۇ بىزار بولدۇم. ھەر قېتىم قۇرئان ئوقۇغان ۋاقتىمدا، ئۆزۈمگە ئۆلۈم تىلەيدىغان بولۇپ قالدىم. قانداق قىلىشىم كېرەك؟ مەسلىھەت ۋە نەسىھەت قىلىشىڭلارنى سورايمەن؟.

مەن ئىسلام شەرىئىتىدە كۆرسىتىلگەن ياخشى-ياماننى بىلىمەن، لېكىن مېنىڭ سىلەردىن سورايدىغان سوئالىم: گۇناھدىن قانداق قىلغاندا  ئۇزۇل-كېسىل قول ئۇزۇش مۇمكىن بولىدۇ؟

ئەرنىڭ ئايالىغا قىلىدىغان مۇھىم ئەمەللىرى قايسى؟. ئەرنىڭ ئايالىنى دائىم بەختلىك قىلىشى كېرەكمۇ؟. ئېرىم ماڭا ئۆز تۇغقانلىرىغا مۇئامىلە قىلغاندەك، يەنى ئاتا-ئانا، ھەمشىرىلىرىگە ماڭا كۆڭۈل بۆلگەندىن كۆپرەك كۆڭۈل بۆلىدۇ. ئۇنىڭ ماڭا ۋە كېلىچەك ھاياتىمىزغا، تۇغقانلىرىغا ھېسداشلىق قىلغاندىنمۇ بەكراق كۆڭۈل بۆلىشىنى ئۈمىد قىلىمەن. ئېرىمنىڭ ماڭا بەكراق كۆڭۈل بۆلۈشى ۋە ياخشى كۆرۈشىگە تۈرتكە بولىدىغان بىرەر سەۋەپ بولسا ئېيتىپ بېرىشىڭلارنى ئۈمىد قىلىمەن؟.

ئىنساننىڭ رىزقى ۋە كىم بىلەن تۇرمۇش قۇرۇشى لەۋھۇل مەھپۇزدا يېرىلغانمۇ؟ بۇ توغرىدا چۈشەنچە بېرىشىڭلارنى ئۈمىد قىلىمەن.

ئاشىق-مەشۇقلار بايرىمىغا ئىشتىراك قىلىشنىڭ ھۆكمى نېمە؟

يېقىنقى زاماندىن بىرى جەمئىيىتىمىزدە خۇسۇسەن قىز ئوقۇغۇچىلار ئارىسىدا ئاتالمىش «ئاشىق-مەشۇقلار بايرىمى»نى قۇتلۇقلاش يامراپ كېتىۋاتىدۇ. بۇ بايرام خرىستىئانلارنىڭ بايراملىرىدىن بولۇپ، يىغىلىشقا قاتناشقۇچىلار ھەممىسى قىزىل رەڭلىك كېيىم كىيىشىدۇ ۋە ئۆز-ئارا قىزىل گۈللەرنى سوۋغا قىلىشىدۇ. سىلىدىن بۇ بايرامغا قاتنىشىشنىڭ ھۆكمىنى بايان قىلىپ بېرىشلىرى بىلەن بىرگە، ئومۇمى مۇسۇلمانلارغا بۇنىڭغا ئوخشاش ئىشلاردا دىققەت قىلىشنىڭ مۇھىملىقى توغرىسىدا يوليورۇق بېرىشلىرىنى ئۈمىت قىلىمەن.

مىنىڭ بىر دوستۇم زىنانىڭ نېمە ئۈچۈن ھارام قىلىنغانلىقىنى چۈشەندۈرۈشۈمنى تەلەپ قىلدى، بۇ مەسىلىدە ھەر ئىككىلىمىزنىڭ مەلۇماتىمىز چەكلىك بولغاچقا قانائەتلىنەرلىك جاۋاپ تاپالمىدۇق، پەقەت قۇرئان-ھەدىستىن زىنادىن ساقلىنىش، بولمىغاندا بۇنىڭ جازاسىغا ئۇچرايدىغانلىقىنى بىلدۇق، ئومۇمەن بىزگە نېمە ئۈچۈن زىنادىن ساقلىنىشىمىز كېرەكلىكى، بۇ ھەقتە شەرىئەتتە زىنانىڭ ھارام قىلىنىشىدىكى ھېكمەتنى بايان قىلغان مىساللار ئارقىلىق  چۈشەنچە بېرىشىڭلارنى سورايمىز؟

مەن توي قىلغان، ئىككى پەرزەنتىم بار، يولدىشىمنىڭ تەلىپى بويۇنچە ئېھتىيات قىلىپ ھامىلدار بولماسلىققا تىرىشقان بولساممۇ لېكىن ئاللاھنىڭ ئىرادىسى بىلەن بويۇمدا قالدى. تۆرەلمە ئۈچ ھەپتىلىك بولغاندا يولدىشىمغا ئېيتسام، ئۇ ئاچچىقلىنىپ تۆرەلمىنى دەرھال چۈشۈرىۋەتمىسەڭ سىنى تالاق قىلىۋېتىمەن دەپ ئاچچىقلاپ كەتتى، سىلەرنىڭ بۇ ھەقتە ماڭا مەسلىھەت بېرىشىڭلارنى سورايمەن؟.