نىزامىددىن تەمكىنى - بارلىق ھۆججەتلەر

بۇ مەدىنە مۇنەۋۋەرە پەيغەمبەر ئەلەيھىسسالام مەسچىتىنىڭ22/8/1432ھـ 2011-يىلى07-ئاينىڭ22-كۈنىدىكى جۈمە خۇتبىسى بولۇپ، پەزىلەتلىك شەيخ ئابدۇلمۇھسىن ئىبنى مۇھەممەد قاسىم سۆزلىگەن. خۇتبىدا رامىزان ئېيىنىڭ پەزىلىتى، بۇ ئايدىكى ياخشى ئەمەللەرنىڭ تۈرلىرى، مۇسۇلماننىڭ بۇ مۇبارەك ئاينى ئاللاھقا يېقىنلىشىش ئارقىلىق مەنىلىك ئۆتكۈزۈشىنىڭ مۇھىملىقى توغرىلىق مۇھىم تەۋسىيەلەرنى قىلدى.

ئاپتور ماقالىسىدا، رامىزان روزىسىغا تەييارلىق كۆرۈشنىڭ مۇھىملىقى، مۇسۇلمان نەپسىنى ئىسلاھ ۋە پاكلاش ئۈچۈن رامىزان ئېيىنى غەنىمەت بىلىش لازىملىقى، بۇ مۇبارەك ئاينىڭ ئاخىرقى ئونى ۋە قەدىر كېچىسىنىڭ پەزىلىتى، رامىزاندىن كېيىنمۇ ياخشى ئەمەل ۋە نەپلە ئىبادەتلەرنى داۋاملاشتۇرۇشنىڭ ئەھمىيىتى توغرىسىدا مۇھىم تەۋسىيەلەرنى قىلىدۇ.

ئاپتور ماقالىسىدا، رامىزان روزىسىنىڭ پەزىلىتى ۋە ماھىيىتى، روزىنىڭ مۇسۇلمان ھاياتىدىكى رولى ۋە ئەھمىيىتى، روزىدارلارغا ئاللاھنىڭ چەكسىز ئەجىر ۋە بۈيۈك ساۋاب تەييارلىغانلىقى توغرىسىدىكى مۇھىم مەلۇماتلارنى قۇرئان ۋە سۈننەت روھى ئاستىدا يورۇتۇپ بېرىدۇ.

«ئاللاھنىڭ پەيغەمبىرى داۋۇت ئەلەيھىسسالام ھاياتىدىن ئارىيە» ناملىق بۇ ئاۋازلىق ئەسەردە، داۋۇت ئەلەيھىسسالام ھاياتىدا ئاللاھنىڭ ئۇنىڭغا قىلغان خاس مەرھىمىتىنىڭ ئوچۇق نامايەندە بولىشى، ئۇنىڭ قولى ئارقىلىق مۆجىزاتلارنىڭ بارلىققا كەلتۈرۈلىشى، ھۆكۈمدە ئادالەتپەرۋەرلىكى، ئاللاھنىڭ مەخلۇقاتلىرىنى ياخشى كۆرۈشى، ئۆز كۈچىگە تايىنىپ ھايات كەچۈرۈشى قاتارلىق مۇھىم مەلۇماتلار ھوزۇرۇڭلارغا سۇنۇلدى.

جانابى ئاللاھ بارچە نەرسىلەرنى بىلىپ تۇرۇقلۇق، يەنىلا ئىنساننىڭ قىلمىشلىرىنى خاتىرلىگۈچى پەرىشتىلەرنى ياراتتى، بۇنىڭدىكى ھېكمەت نېمە؟

بۇ مەدىنە مۇنەۋۋەرە پەيغەمبەر ئەلەيھىسسالام مەسچىتىنىڭ22/7/1432ھـ 2011-يىلى06-ئاينىڭ24-كۈنىدىكى جۈمە خۇتبىسىنىڭ قىسقىچە مەزمۇنى بولۇپ، پەزىلەتلىك شەيخ سەلاھ ئىبنى مۇھەممەد ئەلبۇدەير سۆزلىگەن. خۇتبىدا يازلىق تەتىل ۋە دەم ئىلىش كۈنلىرىدىن قانداق پايدىلىنىش كېرەكلىكى، تەتىل كۈنلىرىدە دۇنيا ۋە ئاخىرەتلىككە پايدىلىق پائالىيەتلەر بىلەن شۇغۇللىنىشنىڭ مۇھىملىقى، ئاتا-ئانىلارنىڭ پەرزەنتلەر ئۈچۈن ئالاھىدە ۋاقىت ئاجرىتىش ئارقىلىق ئۇلارغا دىنى تەلىم-تەربىيەنى كۈچەيتىشنىڭ لازىملىقى توغرىسىدا قىممەتلىك نەسىھەتلەرنى قىلدى.

«ئىمام ئەبۇ ھەنىيپىنىڭ ھاياتىدىن ئىبرەتلىك دەرسلەر» ناملىق بۇ ئاۋازلىق ئەسەردە، ئىمامنىڭ ئائىلە كېلىپ چىقىشى، ئۇنىڭ ئەخلاق ۋە سەۋرچانلىق، تەقۋادارلىق، راستچىللىق، سېخىلىق، ھەقىقەتپەرۋەرلىككە ئوخشىغان ئالى جاناب پەزىلەتلەرگە ئىگە ئىكەنلىكى، شۇنداقلا شەرئىي بىلىملەرگە ئەھمىيەت بېرىش بىلەن بىرگە، پىقھى ئىلمى تەتقىقاتلارغا ئالاھىدە كۈچ چىقىرىش ئارقىلىق تارىختا ئۆچمەس قۇياشقا ئايلىنىشىدەك مۇھىم مەلۇماتلار ھوزۇرۇڭلارغا سۇنۇلدى.

بەزى كىشىلەر: ئاياللار ئەقىلدە، دىندا، مىراستا ۋە گۇۋاھلىق ئىشلىرىدا ئەرلەر بىلەن باراۋەر بولالمايدۇ دىسە، يەنە بەزىلەر: ئاللاھ ئۇلارنىڭ ئارىسىنى جازا-مۇكاپاتتا باراۋەر قىلدى دەيدۇ، ھەقىقەتەن ئىسلام قانۇنىدا ئاياللار تۆۋەن ئورۇندا تۇرامدۇ؟ بۇ ھەقتە چۈشەنچە بېرىشىڭلارنى سورايمەن.

پروبىركا ئارقىلىق بالا يېتىشتۈرۈشنىڭ ھۆكمى نېمە؟، بۇ ھەقتە تەپسىلى چۈشەنچە بېرىلىشىنى ئۈمىد قىلىمىز.

بۇ مەدىنە مۇنەۋۋەرە پەيغەمبەرئەلەيھىسسالام مەسچىتىنىڭ 1/7/1432ھـ 2011-يىلى06-ئاينىڭ03-كۈنىدىكى جۈمە خۇتبىسى بولۇپ، خۇتبنى پەزىلەتلىك شەيخ ئەلى ئىبنى ئابدۇرەھمان ئەلھۇزەيپى سۆزلىگەن، خۇتبىدا قورقۇش ۋە ئۈمىد قىلىشنىڭ قەلب ئەمەللىرىدىن ئىكەنلىكى، مۇسۇلمان ئاللاھنىڭ ئازابىدىن ھېيىقىپ، ئۇنىڭ رەھمىتىدىن ئۈمىدۋار بولۇپ ياشاشنىڭ مۇھىملىقى ۋە ئۇنىڭغا ئالاقىدار مەسىلىلەرنى تەۋسىيە قىلدى.

ئاپتور ماقالىسىدا، ئائىلە ۋە جەمئىيەت ئىسلاھاتىدىكى ئاساسلىق ئامىل قىز-خانىملارنىڭ ئېتىقادلىق، ئىرادىلىك ۋە ئەخلاقلىق بولىشىغا باغلىق ئىكەنلىكىنى ئىلگىرى سۇرۇش بىلەن بىرگە، تارىختا ئۆچمەس ئىزلارنى قالدۇرغان مۇسلىمىلەرنىڭ شانلىق ئىش-ئىزلىرى ۋە ئاللاھنىڭ ئۇلارغا ئاتا قىلغان ئۇلۇغ مەرھەمەتلىرى، شارائىتنىڭ ناچار بولىشىغا قارىماي دىن ۋە مىللەتنىڭ كېلىچىكى ئۇستىدە جىددى تىرىشچانلىق كۆرسەتكەن ۋە كۆرسىتىۋاتقان ئۇيغۇر دەۋەتچى قىز-خانىملارنىڭ ئاللاھ رازىلىقىنى كۆزلەپ ھەقىقەت يولىدا ئىزدىنىشلىرى توغرىسىدىكى مەلۇماتلارنى ئوچۇق يورۇتۇپ بېرىدۇ.

قىز-خانىملار نامازنى ئاياللار بىلەن جامائەت بولۇپ ئوقۇغىنى ئەۋزەلمۇ ياكى يالغۇز ئوقىغىنىمۇ؟ بۇ ھەقتە چۈشەنچە بېرىشلىرىنى سورايمىز.

ئۆزىنى ئۆلتۈرۈۋالغان ئادەمنىڭ نامىزى چۈشۈرىلەمدۇ؟ بۇ ھەقتە چۈشەنچە بېرىشىڭلارنى ئۈمىد قىلىمىز.

يولدىشىم مەندىن ئۆي ئىچىدىمۇ ھىجابلىنىشىمنى تەلەپ قىلىدۇ، ئۆي ئىچىدە ھىجابلىنىشىمنى بولسا ئىماننىڭ ئەڭ يۇقىرى دەرىجىسى ۋە ئۆيىمىزگە بەرىكەت بولىدۇ دەپ قارايدۇ. ئۆي ئىچىدە ھىجابلىنىش بەرىكەتكە سەۋەب بولامدۇ؟ ئەگەر ئۆي ئىچىدە ھىجابلانمىسام گۇناھكار بولامدىم؟ بۇ ھەقتە چۈشەنچە بېرىشىڭلارنى ئۈمىد قىلىمەن.

ئاپتور ماقالىسىدا، ئۇيغۇر مىللىتىنىڭ ھازىرقى ۋەزىيەتتە دىنى زىيالىلارغا ئېھتىياجى بارمۇ، يوق؟ ئۇلارنىڭ مەسئۇلىيەتتىن ئۆزلىرىنى ۋاقىتلىق ياكى ۋاقىتسىز قاچۇرىشىدىكى نېگىزلىك سەۋەب نېمە؟ دىنى زىيالىلار مىللەتكە دىننى قانداق يەتكۈزمەكچى؟ ئۇيغۇر دىنى زىيالىلىرىدىكى مەسئۇلىيەت تۇيغۇسىغا بولغان پاسسىپ پوزىتسىيە قاتارلىق مۇھىم مەسىلىلەرنى پاش قىلىش بىلەن بىرگە، ئۆتكەن ئۇيغۇر ئۆلىمالىرى بىلەن ھازىرقى زامان دىنى زىيالىيلىرى ئارىسىدىكى پەرقنى سېلىشتۇرۇش نەتىجىسىدە مۇھىم مەزمۇنلارنى تەۋسىيە قىلىدۇ.

مۇسۇلمان ئەر-خوتۇنلارنىڭ يول ماڭغاندا، قول تۇتۇشۇپ مېڭىشى شەرىئەتتە دۇرۇسمۇ؟ بۇ ھەقتە چۈشەنچە بېرىشىڭلارنى ئۈمىد قىلىمىز.