بارلىق ھۆججەتلەر

بۇ كىتاپ ئىمام ئىبنى قەييىم ئەلجەۋزىييە رەھمەتۇللاھى ئەلەيھىنىڭ «مەدارىجۇسسالىكىين»ناملىق ئەسىرىدىن "مۇناپىقلىق" دېگەن بۆلۈمنىڭ تەرجىمىسى بولۇپ، ئاپتور ئەسىرىدە مۇناپىقلىقنىڭ شەخس ۋە جەمئىيەتكە كەلتۈرىدىغان خەتىرى، مۇناپىقلىقنىڭ تۈرلىرى، مۇناپىقنىڭ سۈپەتلىرى، شۇنداقلا ئەقىدىسىگە، مىللىتىگە، ۋەتىنىگە خائىنلىق قىلغان مۇناپىقلار دۇنيادا خار بولسا، ئاخىرەتتە ئاللاھنىڭ دەھشەتلىك ئازابىغا ئۇچرايدىغانلىقى توغرىسىدا قۇرئان ۋە سۈننەت روھى بىلەن تەپسىلى چۇشەنچە بېرىدۇ.

«كەمتەرلىك ۋە ئۇنىڭ ئەھمىيىتى» ناملىق بۇ ئاۋازلىق ئەسەردە، كەمتەرلىكنىڭ پەزلى ۋە ئەھمىيىتى، مۇسۇلماننىڭ كەمتەرلىك بىلەن ئەخلاقلىنىشى، كەمتەرلىكتە ئوتتۇراھاللىقنى لازىم تۇتۇشىنىڭ مۇھىملىقى، كەمتەرلىك بىلەن ئەخلاقلانغۇچى دۇنيا ۋە ئاخىرەتتە گۈزەل نەتىجىلەرنى قولغا كەلتۈرۈدىغانلىقى توغرىسىدىكى مۇھىم مەلۇماتلار ھۆزۈرۈڭلاردا.

بۇ مەدىنە مۇنەۋۋەرە پەيغەمبەر ئەلەيھىسسالام مەسچىتىنىڭ 12/5/1430ھـ/ 2009-يىلى 06-ئاينىڭ 05-كۈنىدىكى جۈمە خۇتبىسى بولۇپ، خۇتبىنى پەزىلەتلىك شەيخ ھۈسەيىن ئىبنى ئابدۇلئەزىز ئال-شەيخ سۆزلىگەن. خۇتبىدا ئېرى ۋاپات بولغان ئايالنىڭ شەرىئەت كۆرسەتمىسى بويۇنچە قارىلىق تۇتۇشى ئاللاھنىڭ بەلگىلىگەن پرىنسىپلىرىدىن ئىكەنلىكى، قارىلىق تۇتۇش جەريانىدا بەزى ئىشلارنى ئاشۇرۇۋەتمەستىن شەرىئەت ھۆكمىنى ئۆلچەم قىلىشنىڭ مۇھىملىقى توغرىسىدا مۇھىم تەۋسىيەلەرنى قىلىدۇ.

«ئېھسان ۋە ئۇنىڭ ئىنسان ھاياتىدىكى رولى» ناملىق بۇ ئاۋازلىق ئەسەر، ئېھساننىڭ ئەھمىيىتى ۋە ئۇنى قانداق چۈشىنىشىمىز كېرەكلىكى، ئېھسان ۋە ئۇنىڭ ئەخلاق بىلەن بولغان ئالاقىسى ۋە ئۇنىڭ تۈرلىرى قاتارلىق مۇھىم مەلۇماتلارنى قۇرئان ۋە سۈننەت نۇرى ئاستىدا ئاڭلىغۇچىلارغا ئوچۇق يورۇتۇپ بېرىدۇ.

دادام ھاراق ئىچىدۇ، ۋە مىنى ھاراق ئەكىلىپ بېرىشكە بۇيرۇيدۇ، ئائىلىمىزنىڭ تۇرمۇش قامدىغۇچىسى دادام بولغانلىقى ئۇچۇن مەن دادامغا ياق دېيەلمەيمەن، مەن دادام ئۈچۈن ھاراق سېتىۋېلىپ، ئۇنىڭغا ئەكىلىپ بەرگەنلىكىم سەۋەبىدىن ھېساب ئېلىنىمەنمۇ؟

بۇ مەككە مۇكەررەمە ھەرەم مەسچىتىنىڭ 5/6/1430ھـ 2009-يىلى05-ئاينىڭ29-كۈنىدىكى جۈمە خۇتبىسىنىڭ قىسقىچە مەزمۇنى بولۇپ، خۇتبنى پەزىلەتلىك شەيخ دوكتۇر ئابدۇراھمان ئىبنى ئابدۇلئەزىز سۇدەيس سۆزلىگەن.خۇتبىدا ئۇچۇر ئالاقە ۋاسىتىلىرى ئۇچقاندەك تەرەققى قىلىۋاتقان ھازىرقى زاماندا، بۇ ۋاسىتىلارنى قوللانغۇچىنىڭ قوللىنىشتىكى پايدا-زىياننى بىلىشىنىڭ مۇھىملىقى، مۇسۇلماننىڭ بۇ نېمەتلەرنى دۇنيا ۋە ئاخىرەتتە مەنپەئەتى يېتىدىغان ئەھمىيەتلىك ئىشلارغىلا قوللىنىش لازىملىقى توغرىسىدا مۇھىم تەۋسىيەلەرنى قىلىدۇ.

بۇ مەدىنە مۇنەۋۋەرە پەيغەمبەر ئەلەيھىسسالام مەسچىتىنىڭ 5/6/1430ھـ 2009-يىلى05-ئاينىڭ 29-كۈنىدىكى جۈمە خۇتبىسى بولۇپ، خۇتبنى پەزىلەتلىك شەيخ ئەلى ئىبنى ئابدۇرەھمان ئەلھۇزەيپى سۆزلىگەن، خۇتبىدا ئىنسانلارنىڭ بىدئەت ۋە ھاۋايى-ھەۋەسگە ئەگىشىشى ئىسلام دىنىنىڭ تاشقى كۆرۈنىشىنى خۇنۇكلاشتۇرۇپلا قالماستىن، ئۇلارنى دۇنيا-ئاخىرەتتە رەسۋالىققا يۈزلەندۇرىدىغانلىقى، ئىنسان بىدئەت ۋە چەكلەنگەن ئىشلاردىن ساقلىنىش ئۈچۈن، بىلىم ئىلىشى ۋە بىلگىنىگە ئەمەل قىلىشى تەقەززا قىلىنىدىغانلىقى توغرىسىدا قىممەتلىك تەۋسىيەلەرنى قىلىدۇ.

مەكتەپ، دوختۇرخانا ۋە شۇنىڭغا ئوخشىغان مەمۇرىي ئورۇنلاردا قىز-خانىملارنىڭ كىيىمىگە نىجاسەت يۇقۇپ قالسا، ئەسىر نامىزىنىڭ ۋاقتى بولۇپ قىلىپ، نامازنى نىجاسەت يۇقى كېيىم بىلەن ئادا قىلغان بولسا، (خىزمەت ياكى ئوقۇش سەۋەبلىك ئۆيگە ياكى ياتاققا كەچ يەنى ناماز شامدىن كېيىن قايتىدۇ) بۇ ھالەتتە ئۆيگە قايتقاندىن كېيىن ئەسىر نامىزىنى قايتا ئادا قىلامدۇ؟ بۇنىڭ ھۆكمىنى بايان قىلىپ بېرىشىڭلارنى سورايمەن؟.

ئىسلام دىنى نېمە ئۈچۈن ئىسلام نامى بىلەن ئاتالغان؟

بۇ مەدىنە مۇنەۋۋەرە پەيغەمبەر ئەلەيھىسسالام مەسچىتىنىڭ 27/5/1430-ھىجرىيە 2009-يىلى05-ئاينىڭ 22-كۈنىدىكى جۈمە خۇتبىسى بولۇپ، خۇتبىنى پەزىلەتلىك شەيخ سەلاھ ئىبنى مۇھەممەد ئەلبۇدەير سۆزلىگەن. خۇتبىدا يەرتەۋرەش ئاپىتى ۋە ئۇنىڭ بارلىققا كېلىشىدىكى سەۋەبلەر، يەرتەۋرەشكە ئوخشىغان تەبىئى ئاپەتلەر ئاللاھنىڭ بەندىلەرگە، گۇناھ-مەسىيەتتىن چەكلىنىپ ئاللاھقا تەۋبە-ئىستىغپار ئېيتىشىنى تەقەززا قىلىپ ئەۋەتكەن ئاگاھلاندۇرۇشى ۋە غەزىپىدىن ئىبارەت ئىكەنلىكى توغرىسىدا تەپسىلى چۈشەنچە بېرىدۇ.

بۇ مەككە مۇكەررەمە ھەرەم مەسچىتىنىڭ 27/5/1430ھـ2009-يىلى05-ئاينىڭ 22-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ سالىھ ئىبنى ئابدۇللاھ ئىبنى ھۇمەيد سۆزلىگەن. خۇتبىدا ئاللاھ تائالا بەندىلىرىنى ھەر-تۈرلۈك مۇسىبەت ۋە تەبىئى ئاپەتلەرنى بېرىش ئارقىلىق سىنايدىغانلىقى، تەبىئى ئاپەتكە ئۇچرىغان مۇسۇلمانلارغا، ئىنسانلارنىڭ قانداق پوزىتسىيىدە بولىدىغانلىقىنى كۈزۈتۈدىغانلىقى، ئاللاھ ئۆز قۇدرىتىنى نامايەن قىلىش ئارقىلىق ئىنسانلارغا تەۋبە قىلىۋېلىش پۇرسىتى بېرىش ئارقىلىق پەرۋەردىگارىنىڭ ھەققىنى ساغلام رەۋىشتە ئادا قىلىشىنى تەقەززا قىلىدىغانلىقى توغرىسىدا مۇھىم تەۋسىيەلەرنى قىلىدۇ.

مېنىڭ دادام بۆرەك كېسىلىگە گىرىپتار بولغان ئېدى. دادام مەندىن بىر بۆركىمنى بېرشنى تەلەپ قىلدى. كەسكىن قىلىپ ئېيتقاندا مەن قۆرقۈۋاتىمەن، چۈنكى مەن ئۆتۈمنى ئالدۇرغان ئىدىم ئەگەر مەن دادامنىڭ تەلىپىنى رەت قىلسام ماڭا گۇناھ بولامدۇ؟ يەنە مېنىڭ ئۇچ بالام بار بولۇپ، مەن ئۇلاردىن ئەنسىرەۋاتىمەن؟.

ئاللاھغا ماختاشلار بولسۇن. مېنىڭ قىيىنچىلىقىم، مەن قىزلار بىلەن ئالاقە قىلىشتىن ئۆزۈمنى يىغىشقا قادىر بولالمىدىم، مەن ناماز ئوقۇيمەن، روزا تۇتىمەن، لېكىن ئاياللارغا ئالاقىدار ئىشلاردا ئۆزۈمنى تۇتۇشتىن ئاجىز كېلىمەن. مەن بۇنداق ئەھۋال ئاستىدا قانداق قىلىشىم كېرەك؟، بۇ ھەقتە نەسىھەت بېرىشىڭلارنى ئۈمىد قىلىمەن.

مەن خرىستىئان دىنىدىن ئىسلام دىنىغا يېڭىدىن كىرگەن بىر قىز بىلەن تونۇشۇپ قالدىم، بىر مەزگىل ئارىلاشقاندىن كىيىن توي قىلىشقا كېلىشتۇق، لېكىن ئائىلىدىكىلىرىم بۇ ئىشقا قوشۇلمىدى. ناۋادا توي قىلغۇچى ئاتا-ئانىنىڭ ئارزۇسىغا كۆنمىسە گۇناھكار بولامدۇ؟، بۇ ھەقتە ماڭا مەسلىھەت بېرىشىڭلارنى سورايمەن؟.

مەن ياشاۋاتقان رايوندىكى مۇسۇلمانلار ئارىسىدا جازانە ئىشلىرى كەڭ تارىلىپ كەتتى، ئۇلار بۇ ئىشقا مەلۇم بىر ئەرەب دۆلىتىنىڭ رەسمى پەتىۋا كومىتېتى تەرىپىدىن چىقىرىلغان "ئۇرۇش قىلىۋاتقان رايونلاردىكى كاپىرلار بىلەن جازانە شەكىلدە مۇئامىلە قىلسا بولىدۇ" دەپ ئەسلى مەنبىيى ئىمام ئەبۇ ھەنىپە رەھىمەھۇللاھ ۋە ئۇنىڭ شاگىرتى مۇھەممەد ئىبنى ھەسەنگە نىسبەت بىرىلگەن پەتىۋاغا تايىنىدۇ، سىلەرنىڭ ھەقىقەتنى بايان قىلغان ئاساستا بۇ پەتىۋانىڭ توغرا-خاتالىقىغا جاۋاپ بېرىشىڭلارنى ئۈمىد قىلىپ بۇ سوئالنى سىلەرگە يوللىدىم، جاۋابىڭلارنى كۈتىمەن؟.

مەن بۇنىڭدىن 4 يىل بۇرۇن مۇسۇلمان بولغان ئىدىم. ئاتا-ئانىلىرىمدىن بىرى گەرچە ئاتاقتا مۇسۇلمان بولسىمۇ لېكىن ئىسلامغا ئەمەل قىلمايدۇ. ماڭا مۇسۇلمانلىق ھالىتىدە قېلىش بەكمۇ قىيىن تۇيۇلىدۇ. چۈنكى مەن بىر كاپىر دۆلىتىدە ياشايمەن، يەنە كېلىپ بۇ يەردىكى مەن بىلىدىغان مۇسۇلمانلارنىڭ ھېچقايسىسى ھەقىقىي مۇسۇلمانلار ئەمەس. ماڭا بۇ ھەقتە تەكلىپ ۋە نەسىھەت بېرىشىڭلارنى ئۈمىد قىلىمەن.

يولدىشىم دادام تاكى پۈتۈن ھارام ئەمەللەرنى تاشلاپ سەمىمىيلىك بىلەن ئاللاھقا تەۋبە قىلمىغۇچە ئۇنىڭ بىزنى كۆرگىلى كېلىشىگە ياكى بىزنىڭ ئۇنى كۆرگىلى بېرىشىمىزغا يول قويمايدىغانلىقىنى ئېيتىۋاتىدۇ، مۇشۇنداق قىلسا بولامدۇ؟ ئۇنىڭ يامان ئەمەللىرىنى تاشلاتقۇزۇش ئۈچۈن بىز نېمىلەرنى قىلىشىمىز كېرەك؟ سىڭلىم بىز بىلەن بىللە تۇرسا شەرىئەتكە ئۇيغۇن كەلمەيدىغانلىقىنى بىلىمەن، لېكىن بۇنداق ئەھۋالدا قانداق قىلىشىمىز كېرەك؟

مەن پانى دۇنيادىن بىزار بولدۇم، مەندە ياشاشتىن زېرىكىش، ھاياتلىقتىن بىزار بولۇشتەك ھېس تۇيغۇلار پەيدا بولدى ۋە ناھايىتى بىئارام بولۇۋاتىمەن. ماڭا بۇ ھەقتە قانداق قىلىشىم توغرىسىدا نەسىھەت بېرىشىڭلارنى ئۈمىد قىلىمەن؟

«سۇراقە ئىبنى مالىك كىم؟» ناملىق بۇ ئاۋازلىق ئەسەر پارىس ئىمپېرىيە پادىشاھىنىڭ تاجىنى كىيىشكە مۇيەسسەر بولغان ھۆرمەتلىك ساھابە سۇراقە ئىبنى مالىك رەزىيەللاھۇ ئەنھۇنىڭ ئىسلامدىن ئىلگىرى ۋە كېيىنكى ھاياتى، ئىسلامغا كېرىشى، ئۆمەر رەزىيەللاھۇ ئەنھۇ تەرىپىدىن ھۆرمەتكە سازاۋەر بولۇپ تارتۇقلىنىشى قاتارلىق مۇھىم مەلۇماتلار ھوزۇرۇڭلاردا.

«ئەبۇ زەر ئەلغەپپارى بىلەن تونۇشىۋېلىڭ » ناملىق بۇ ئاۋازلىق ئەسەردە جەڭگىۋار سەھابە جۇندۇ ئىبنى جۇنادە رەزىيەللاھۇ ئەنھۇنىڭ ئائىلە كېلىپ چىقىشى، ئىسلامنى قوبۇل قىلىشى، دىن تارقىتىش يولىدا كۆرسەتكەن تۆھپىلىرى ۋە تۆلىگەن بەدەللىرى، رەسۇلۇللاھنى ياخشى كۆرۈشى، زاھىتلىق ۋە تەقۋادارلىقى، ۋاپاتى قاتارلىق مۇھىم مەلۇماتلار ھوزۇرۇڭلاردا.