محمد صالح - کتابیں

قارئین کرام! ضُعفِ ایمان ، بُعد از اسلام ، تقلید مغرب، بے خدا تہذیبِ فرنگ اور شُتربے مہار میڈیا کی یلغار کے نتیجے میں مسلم معاشرے میں بھی ایسےبکثرت امور وافعال اور اشیاء واعمال نہ صرف رائج بلکہ جڑیں پکڑچکے ہیں ،جو نہ صرف ناجائز وممنوع یا مکروہ کہے جانے کے لائق ہیں، بلکہ وہ صریحاً حرام ہیں ۔اور لوگوں کی انکے بارے میں لاپرواہی کا یہ عالَم ہے کہ انتہائی لا ابالی پن سے بے محابا ان کا ارتکاب کیا جاتا ہے ،جیسے کہ وہ معمولی صغیرہ یا ہلکے پھلکے گناہ بھی نہیں ،بلکہ مباحات ہوں ، جبکہ وہ حرام وکبیرہ اور انتہائی خطرناک ومہلک ہیں۔ ان ہلاکت خیز گناہوں کی ایک معتد بہ تعداد کا تذکرہ معروف اسلامی اسکالر شیخ محمد بن صالح المنجد-حفظه الله- نے اپنی مختصر مگرجامع ومانع کتاب[محرَّمات استهان بها الناس- يجب الحذر منها- ] میں اپنے مخصوص علمی اور بڑے دردمندانہ انداز سے کیا ہے۔ کتاب کی افادیت کے پیش نظر اسے اردوزبان میں منتقلی کا کام محترمہ شکیلہ قمر-حفظہا اللہ -نے سر انجام دیا ہے،اور نظرثانی ،تنقیح وتہذیب اورمفید حواشی وتعلیق سے اسےابوعدنان محمد منیرقمر –حفظہ اللہ- نے زینت بخشا ہے۔

ممنوعات شرعیہ: زیر نظر کتابچہ عالمِ اسلام کے مشہور اسکالر اور عالم دین محمد صالح المنجد کے پمفلٹ(التنبيهات الجلية على كثير من المنهيات الشرعية للعلم؟ للحذر!) کا اردو ایڈیشن ہے۔ موصوف نے نہایت عرق ریزی کے ساتھ قرآن مجید اور ذخیرہ احادیث کی ورق گردانی کرکے ’’ممنوعات شرعیہ‘‘ کو فقہی ابواب کی ترتیب پر اس کتابچہ میں جمع کرنے کی کوشش کی ہے۔

یہ کتاب در اصل فضيلة الشيخ محمد صالح المنجدحفظہ اللہ کی کتاباىام تشرىق سے متعلق 23 فوائد کا اردو ترجمہ ہے۔

زیر مطالعہ کتاب میں اختصار کے ساتھ ماہِ محرّم اورعاشوراء سے متعلق اہم فوائد وخلاصے کو یکجا کردیا گیا ہے۔

زیرمطالعہ کتاب میں کتاب وسنت کی روشنی میں دین اسلام پر ثابت قدمی کے اہم وسائل وذرائع کو بیان کیا گیا ہے تاکہ شبہات وشہوات کے فتنے میں مبتلا انسان ان وسائل کو اپنا کردین اسلام پر ثابت قدم رہ سکے۔

میں توبہ تو کرنا چاہتا ہوں لیکن! زیر نظر کتابچہ چند اہم عناصر پرمشتمل ہے: 1- مقدمہ (گناہوں کی خطرناکی کا بیان). 2- توبہ کے شرائط. 3- نفسیاتی علاج کا بیان. 4- گناہوں سے توبہ کرنے والوں کے لئے چند اہم شرعى فتاوے. 5- مفید خاتمہ.

یہ کتاب در اصل فضيلة الشيخ محمد صالح لمنجد حفظہ اللہ کی کتاب 67 مسألة في الأضحية کا اردو ترجمہ ہے۔

یہ کتاب فضیلہ الشیخ عبداللہ صالح الفوزان صالح المنجد حفظہ اللہ کی کتاب 55 فائدة في يوم عرفة کا اردو ترجمہ ہے۔

عشره ذى الحجہ سے متعلق 44 فوائد

زیر نظر کتاب میں یہ کوشش کی گئی ہے کہ آنحضرت صلى اللہ علیہ وسلم کا واسطہ جن افراد سے تھا اور جن حضرات کے درمیان آپ صلى اللہ علیہ وسلم کی زندگی گزری،|ان کے مقام ومرتبہ کے فرق اور ذہن وفکر کے اختلافات کو سامنے رکھتے ہوئے ،آنحضرت صلى اللہ علیہ وسلم نے ان کی غلطیوں کے بارے میں جو مختلف انداز کا رویہ اختیارکیا ،ان اسالیب کو جمع کیا جائے-

اس کتاب میں ماہ رمضان کا چاند نظر آنے سے لےکر روزے کے تمام چھوٹے بڑے مسائل قرآن وحدیث کی روشنی میں بڑی تحقیق کے ساتھ بیان کئے گئے ھیں، اس کتاب کی ایک خاص خوبی یہ ھے کہ اس میں عصر حاضر کے تقریبا تمام جدید مسائل کا حل بھی موجود ھے۔